હારીજ બેચરાજી બાય પાસ હાઇવે વિષ્ણુ પાર્ટી પ્લોટથી જલિયાન ગ્રીન સોસાયટી પર રોડ પર ઠેર ઠેર મસમોટા ખાડા પડતા રોડની હાલત બિસ્માર બની જવા પામતા અકસ્માતની ભીતિ સેવાઇ હતી જેને લઈ હારીજ નગરના જાગૃત યુવાન પુષ્પક ખત્રી(એડવોકેટ) દ્વારા આ મુદ્દે માર્ગ મકાન વિભાગ હારીજ ખાતે લેખિત રજુઆત કરવા છતાં કોઈ નિરાકરણ નહીં આવતા થોડા સમય બાદ યુવાને ઉચ્ચ કક્ષાએ રજુઆત કરતા જે રજૂઆતને ધ્યાને લઇ જવાબદાર કચેરીને લેખિતમાં તાકીદે ધ્યાન દોરતા રવિવારના રોજ હારીજ બેચરાજી બાય પાસ રોડ પર પેચ વર્કની કામગીરી યુદ્ધના ધોરણે શરૂ કરવામાં આવતા રાહદારીઓએ રાહતનો દમ લીધો હતો જેનો જાગૃત યુવાન દ્વારા ગુજરાત સરકાર તેમજ જવાબદાર તંત્રનો આભાર વ્યક્ત કર્યો હતો હારીજ નગરજનોએ જાગૃત યુવાનની કામગીરીને બિરદાવી હતી.
વધુમાં હારીજ નગરની પાયાની સમસ્યાઓના નિરાકરણ માટે જવાબદાર તંત્ર દ્વારા કોઈ કામગીરી હાથ ધરવામાં ન આવતા જાગૃત યુવાનો દ્વારા કમિટીની રચના કરવામાં આવી છે સત્વરે પાયાના પ્રશ્નોનું નિરાકરણ નહીં આવે તો કમિટી દ્વારા આગામી સમયમાં તમામ સમસ્યાઓનું ઉચ્ચકક્ષાએ રજૂઆત કરશે..
